احتساب عدالت نے اسحاق ڈار کی جائیدادوں پر فیصلہ محفوظ کر لیا

0
67

اسلام آباد کی احتساب عدالت نے پاکستان مسلم لیگ نواز کے رہنما اور سابق وزیر خزانہ اسحاق ڈار کی پاکستان میں قُرق کی گئی جائیداد کو فروخت کرنے سے متعلق درخواست پر فیصلہ محفوظ کر لیا ہے۔

بی بی سی کے نامہ نگار شہزاد ملک کے مطابق یہ فیصلہ احتساب عدالت کے جج محمد بشیر منگل کو سنائیں گے۔

اسحاق ڈار، جنھیں احتساب عدالت نے اشتہاری قرار دیا ہوا ہے، کی قُرق کی گئی جائیداد کو فروخت کرنے کی درخواست قومی احتساب بیورو نے دائر کی ہے۔

اسلام آباد کی احتساب عدالت نے ملزم اسحاق ڈار کی جائیداد کی قُرقی کے احکامات 14 دسمبر سنہ 2017 کو دیے تھے اور عدالتی حکم پر نیب نے ملزم کی پاکستان میں جائیداد 18 دسمبر 2017 میں قُرق کر لی تھی۔

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.